Nammi namm

 Hún Dóttir mín setti þessa uppskrift í bæjarblaðið bb á ísó um daginn þarna er hún reyndar á þessari mynd að borða ís með súkkulaði mikil innlifun hjá henni

Sælkeri vikunnar – Ólafía Sif Magnúsdóttir á Ísafirði | 02.10.2008Beikon-fiskur í ofni og Mars mousse

Sælkeri vikunnar býður upp á tvær ljúffengar uppskriftir. Sú fyrsta er staðgóður og einfaldur ofnréttur sem samanstendur af fiski og beikoni með osti stráð yfir. Í eftirrétt er svo Mars mousse sem ætti að láta engan sannan súkkulaðiunnanda ósnortinn.

Beikon-fiskur í ofni

3-4 ýsuflök (roðlaus og beinhreinsuð)
1 poki hrísgrjón
1 og 1/2 dós piparsósa
Beikon
Rifinn ostur
Aromat
Karrý

Sjóðið hrísgrjónin og setjið í eldfast mót. Blandið 1-1/2 tsk karrý við hrísgrjónin. Raðið síðan fiskbitum ofaná og stráið aromati eftir smekk yfir. Loks er piparsósunni hellt yfir og beikonið skorið í teninga og látið þekja fiskbitana. Sett í ofn í 30 mín við 200 gráður, fiskurinn tekinn út og osti stráð yfir og sett aftur inn í ofn þangað til osturinn er bráðnaður.

Mars mousse

4 mars súkkulaði
1/2 l rjómi (léttþeyttur)
2 eggjahvítur
2 msk nýmjólk
1/2 l rjómi þeyttur
Mars bitar eða eitthvað sem þú villt skreyta með

Skerið mars súkkulaðið í bita og setjið það í pott ásamt mjólkinni. Bræðið súkkulaðið við vægan hita þar til úr verður silkimjúk súkkulaðiblanda. Takið pottinn þá af hellunni og látið standa í 10 mín meðan mesti hitinn rýkur ú blöndunni og hellið henni svo í skál. Léttþeytið rjómann og blandið varlega samanvið. Eggjahvíturnar eru síðan stífþeyttar og blandað varlega samanvið súkkulaðirjómann. Setjið í fallega skál og kælið þar til blandan er orðin stíf. Rétt áður en þetta er borið fram má skreyta með þeyttum rjóma og marsbitum eða öðru góðgæti.

Athugasemdir

[Anna Guðný , 16.10.2008 kl. 23:09]

Mér líst vel á fiskinn, nema ætla að nota þorsk í staðinn. Ég er með alltof einhæft í fiski hér, nánast bara soðinn og steiktur.

Takk fyrir þetta

Hafðu það gott ljúfan

[Erna, 16.10.2008 kl. 23:19]

Takk þetta ætla ég sko að prófa virðist  vera einfalt og gott. Eitthvað sem ég ræð örugglega við, þoli ekki flóknar uppskriftir. Skilaðu kveðju til sælkerans. Góða nótt

[Líney, 16.10.2008 kl. 23:31]

Knús á þig inní nóttina

[Ómar Ingi, 16.10.2008 kl. 23:51]

Fiskur er alltof hollur

[Rósa Aðalsteinsdóttir, 16.10.2008 kl. 23:55]

Sæll og blessuð.

Fiskrétturinn lítur vel út á blaði og eftirrétturinn líka. Hann er aftur á móti hrikalega fitandi. Algjör bomba og kransakökuhringirnir stækka hjá mér bara við að lesa uppskriftina

Vertu Guði falin

Kær kveðja/Rósa

[Linda Linnet Hilmarsdóttir, 17.10.2008 kl. 00:15]

Knús á ykkur öll ....... Munið að knúsið kostar ekkert

       Kv frá mér, til ykkar........ 

[Jóna Kolbrún Garðarsdóttir, 17.10.2008 kl. 00:43]

Ég ætla að prófa þessa uppskrift af ýsunni.  Og kannski eftirréttinn líka

[Svanhildur Karlsdóttir, 17.10.2008 kl. 00:49]

Líst vel á fisk-uppskriftina og líst alltof vel á eftirréttinn

[Guðrún Ágústa Einarsdóttir, 17.10.2008 kl. 00:58]

Vá þetta hljómar mjög vel...ætla að prufa þetta ...og takk fyrir. kv Gunna.

[Tína, 17.10.2008 kl. 07:42]

Svo sannarlega á ég eftir að prufa þenna fiskrétt. Takk fyrir þetta.

Góða helgi yndislegust.

[Linda litla, 17.10.2008 kl. 08:19]

Nammi namm...... væri til í þetta núna í morgunmat he he he he

Knús á þig Brynja mín.

[Helga skjol, 17.10.2008 kl. 08:47]

Nammi nammi namm, þú ert alveg búin að bjarga mér með kvöldmatinn í kvöld, var einmitt búin að vera spá í hvernig ég gæti kokkað ýsuna á annan hátt en ég er vön að gera, ég er nefnilega alltof einhæf þegar kemur að fiski, enn þetta mun sko vera á borðum hjá mér í kvöld.

Knús inní daginn mín kæra

[Helga skjol, 17.10.2008 kl. 08:48]

Ps. Eitt sem ég gleymdi að spyrja um, hvað er þetta með 1 og 1/2 dós piparsósu, get ég keypt hana tilbúna eða .......

[Gudrún Hauksdótttir, 17.10.2008 kl. 10:36]

Langar ad profa en er med ofnæmi fyrir flestu i uppskriftinni...Borda allavega fiskinn.Hljómar ædislega tessi uppskrift.

kvedja frá Jyderup.

[Steingerður Steinarsdóttir, 17.10.2008 kl. 10:39]

Óstjórnlega girnilegt. Verð að prófa þetta.

[Guðrún Hauksdóttir, 17.10.2008 kl. 10:44]

nammi namm , ætla að prófa þetta

[Kristín Katla Árnadóttir, 17.10.2008 kl. 10:45]

Stórt knús Brynja mín.

[Brynja skordal, 17.10.2008 kl. 11:23]

Helga skjol....það er hægt að kaupa svona kaldar piparsósur í dollum í flestum verslunum þú veist eins og maður notar oftmeð grillkjötinu á sumrin en svo má líka búa bara til piparsósu líka ef fólk vill það 
 

Takk fyrir kvittin Elskur og verði ykkur að góðu sem ætlið að elda þenna flotta fiskrétt og hafið öll sem eitt yndislega helgi knús á línuna

[Ásdís Emilía Björgvinsdóttir (IP-tala skráð) 17.10.2008 kl. 11:36]

Mmmm, æðislega girnilegt, á örugglega eftir að prófa þetta

Góða helgi, kæra vinkona, bestu kveðjur

[Jóhanna Magnúsar- og Völudóttir , 17.10.2008 kl. 13:14]

 Nammi namm og knús ..

[Hólmdís Hjartardóttir, 17.10.2008 kl. 16:04]

líst vel á þetta..............góða helgi

[Sigríður Ágústa Þórólfsdóttir, 17.10.2008 kl. 17:27]

uuuuuummmmm örugglega æðislegt prófa þetta örugglega seinna eigðu góða helgi ljúfust

[Guðrún Ágústa Einarsdóttir, 18.10.2008 kl. 00:54]

Góða helgi ljúfan...

Kv Gunna.

[www.zordis.com, 18.10.2008 kl. 13:41]

Taka þrjú verður fáorð! Get ekki sent inn til þín 500 orð plús ....

Girnilegt var meginþáttur komment míns!

[Kristín Gunnarsdóttir, 18.10.2008 kl. 15:11]

Maður verður bara svangur, þetta prófa ég næst þegar að ég fæ fisk

[Sigríður Ágústa Þórólfsdóttir, 19.10.2008 kl. 10:49]

  Góðan daginn   

[Anna Guðný , 20.10.2008 kl. 00:59]

Búinn að prófa fiskinn. Breytti að vísu aðeins. Setti fullt af hrísgrjónum í botninn. Þétt lag af þorski yfir. Bakaði upp karrísósu og setti yfir, reyndi aðeins að hræar henni saman við. Svo ost yfir og nammi namm. Tvö börnin mín fengu sér þrisvar á diskinn og voru alveg að springa. Það er orðið svo langt síðan ég hef séð svoleiðis að mömmumatarhjartað var að springa af ánægju. Eiginmaðurinn kom í land þarna eftir að hafa verið á sjónum í viku og fengið 5 af 7 máltíðum fisk. En þetta fannst honum samt æðislegt.

Takk fyrir uppskriftina.

[Fanney Björg Karlsdóttir, 20.10.2008 kl. 10:17]

mmmm þetta þarf maður að prófa við fyrsta tækifæri..... sem kanski verður í kvöld......

[Hrönn Sigurðardóttir, 20.10.2008 kl. 17:37]

Hrikalega er þetta girnilegt! Verð að prófa......

[Hrönn Sigurðardóttir, 20.10.2008 kl. 17:44]

spurning! er einn líter af rjóma í uppskriftinni af marz mousse?

[Dísa Dóra, 20.10.2008 kl. 20:52]

mmmmmmmmmmm þetta er sko girnilegt

[Solla Guðjóns, 20.10.2008 kl. 21:19]

Ummmmmmmmm......

Ég svara þér bara Hrönn ...nei 1/2

[Tiger, 21.10.2008 kl. 14:21]

Geggjuð uppskrift þarna! Ég ætla að prufa hana bara strax í kvöld - enda ætlaði ég að hafa fisk núna. Takk fyrir þetta Brynja mín!

Knús og kreist á þig ljúfan mín góð ...

[Anna Einarsdóttir, 24.10.2008 kl. 23:17]

Slurp.  Ég þakka fyrir uppskrift.  Hún lítur rosalega vel út þessi með ýsunni.