spurning hvort er pláss fyrir meiri neikvæðni!

Sjörnumerkin (neikvæðu hliðarnar)

Hrútur (20. mars - 20. apríl): Þú ert óþolinmóður og fljótfær egóisti, góður að lofa öllu fögru, en fljótur að gefast upp og láta aðra þrífa upp skítinn. Þú ert keppnismaður og sérlega klár í að keppa við ranga aðila og slá tilgangslaus högg útí loftið. Þú ert kvikindi, en það hjálpar hversu einlægur, barnalegur og einfaldur þú ert.

Naut (20. apríl - 21. maí): Þú ert latur og þrjóskur, enda löngu staðnaður og fastur í sama farinu. Peningar og þægindi eru það eina sem þú hugsar um, enda háður nautnum, mat, sykri og skynörvandi efnum. Þú hreyfist ekki úr stað og selur sannfæringu þína hæstbjóðenda. Þú ert lítið betri en stífluð rotþró.

Tvíburi (21. maí - 20. júní): Þú ert eirðarlaus og yfirborðslegur, alltaf á hlaupum frá einu tilgangslausu verkefni í annað, með hundrað ókláruð járn í eldinum. Þú ert sí ljúgandi, enda sérfræðingur í að gefa loforð sem þú getur ekki staðið við. Vissulega ertu vel gefinn, en þú sóar hæfileikum þínum í blaður og óþarfa.

Krabbi (21. júní - 23. júlí): Þú þykist vera töff, en ert í raun aumingi og tilfinningasósa, og getur ekki talað og tjáð þig, nema með því að væla og kvarta. Þú ert fastur í fortíðinni og munt því fyrr en síðar kafna í drasli og gömlum minningum. Þegar þú reiðist þá fer allt í einn graut og upp blossar grimmd og hefnigirni. En svona dags daglega þá ertu fúll, þunglyndur og sjálfsvorkunnsamur.

Ljón (22. júlí - 23. ágúst): Þú ert eigingjarn og of upptekinn af eigin málum til að hafa áhuga á öðrum. Þú veist allt og hlustar ekki eða öskrar á andmælendur þína. Þú ert svo barnalegur, einlægur og trúgjarn, að það er augljóst að þú hefur aldrei fullorðnast. Þú ert latur, en þegar þú gerir eitthvað, þá gengur þú of langt.

Meyja (23. ágúst - 23. september): Þú ert einn leiðinlegasti maður í heimi, alltaf að kvarta, gagnrýna og skipta þér af fólki, en segir aldrei neitt sem gagnast öðrum. Þú ert alltaf á hlaupum, þykist vera duglegur, en gerir aldrei neitt af viti, ekki frekar en stormur í tebolla. Þú ert stressuð taugahrúga.

Vog (23. september - 22. október): Þú þykist vera ljúfur og vingjarnlegur, en ert í raun falskur og eigingjarn, brosir framan í fólk, en lýgur og ferð bakvið aðra. Það tekur þig óratíma að taka ákvaðanir, en þegar það loksins gerist, ertu óhagganlegur, enda of latur til að hugsa málin aftur og of upptekinn af því að smjaðra fyrir öðrum.

Sporðdreki (23. október - 21. nóvember): Þú ert frekur og valdasjúkur, færð einstök mál á heilann (þráhyggja) og ert því einhæfur og hundleiðinlegur. Þú ert ímyndunarveikur og tortrygginn, móðgast útaf engu og gerir úlfalda úr mýflugu. Lífið er annað hvort frábært eða ómögulegt. Þú ert eins og biluð plata, stöðugt að spila sama lagið.

Bogmaður (22. nóvember - 21. desember): Þú ert týpan sem grautar í öllu, en kannt ekkert, enda alltaf á hlaupum úr einu í annað. Þú átt erfitt með að þekkja takmörk þín, ert agalaus, flýrð óþægindi og veist ekki hvernig þú átt að nýta hæfileika þína. Ef þú nærð tökum á einhverju, þá hleypur þú í verkefni sem þú ræður ekki við.

Steingeit (21. desember - 20. janúar): Þú ert stífur og vansæll vinnualki, fastur í tilgangslausum siðum og reglum, alltaf að skipta þér af öðrum og segja þeim að gera það sem þú getur ekki gert sjálfur. Þú ert snobbaður og þráir stöðutákn, enda með minnimáttarkennd sem þú heldur að hægt sé að breiða yfir með titlum og merkjavöru.

Vatnsberi (20. janúar - 19. febrúar): Þú ert sérvitur og skrýtinn, og alltaf svo langt á undan samtímanum að enginn skilur þig eða getur notað hugmyndir þínar. Vissulega ertu svalur, en þú ert svo sjálfstæður, ópersónulegur og hræddur við raunverulegan innileika, að þú ert í raun alltaf einn, frosinn í einskis manns landi. Týndur á skýi í háloftunum.

Fiskur (19. febrúar - 20. mars): Þú ert rugluð og týnd sál og hefur ekki hugmynd um hvernig þú átt að nýta hæfileika þína eða í hvaða átt þú átt að fara. Þú vilt vera alls staðar og upplifa allt. En þar sem þetta er ómögulegt, þá fer allt í vitleysu. En það gerir ekkert til, þú ert sérfræðingur í sjálfsblekkingum og því að flýja raunveruleikann.

Athugasemdir

[Líney, 22.10.2008 kl. 08:17]

iss vér hrútar önsumessuekki knús  á þig  mín kæra

[Gudrún Hauksdótttir, 22.10.2008 kl. 08:34]

Ég tekkji ekki tessa meyju......

Gódann daginn snúllan tín.

[Brynja skordal, 22.10.2008 kl. 08:40]

Nei þekki heldur ekki þetta ljón....isss við mótmælum hástöfum sko....er það ekki bara spurning hver hefur samið þetta?? En hver sem var mjög ja veit ekki..

[Erna, 22.10.2008 kl. 09:40]

Mitt sjörnumerki Steingeitin passar alveg við fúl á móti

[Svanhildur Karlsdóttir, 22.10.2008 kl. 10:22]

Hmmm, öskrandi ljón hér     Knús

[Ía Jóhannsdóttir, 22.10.2008 kl. 10:57]

Þar höfum við það! Annars kannast ég ekkert við þetta hjá Sporðdrekanum heheheh....  Hlýjar kveðjur inn í góðan dag.

[Guðborg Eyjólfsdóttir, 22.10.2008 kl. 11:33]

Ha haha ég er naut og þetta er kanski til í þessu ég veit það ekki, kallinn minn er fiskur  Við erum greinilega bara týnd í peningum haha

[Ásdís Emilía Björgvinsdóttir (IP-tala skráð) 22.10.2008 kl. 11:42]

Almáttugur, ég þekki ekki þetta ljón þarna, nema þá helst að ég get verið löt

En, hvar fannstu þetta eiginlega? Þetta eru hörmulegar stjörnuspár hjá öllum.

Knús á þig, kæra vinkona

Kær kveðja

[Brynja Dögg Ívarsdóttir, 22.10.2008 kl. 11:43]

AAAAAAA Ljónið , mitt merki, ég er svo uppekin af sjálfri mér og elska að liggja í það mikilli leti að meira að segja Emma hreyfir mig ekki.

En ég elska Ljón og þekki nokkra karlmenn í ljóninu, þeir eru yndislegir, ákveðnir og tryggir, upp að vissu marki. Ekki treysta þeim of mikið.

Þeir vilja alltaf hafa ynjuna nálægt sér.

Kv Gleymmerei ynjan og Emma.

[Hrönn Sigurðardóttir, 22.10.2008 kl. 11:52]

"Tvíburi (21. maí - 20. júní): Þú ert eirðarlaus og yfirborðslegur, alltaf á hlaupum frá einu tilgangslausu verkefni í annað, með hundrað ókláruð járn í eldinum. Þú ert sí ljúgandi, enda sérfræðingur í að gefa loforð sem þú getur ekki staðið við. Vissulega ertu vel gefinn, en þú sóar hæfileikum þínum í blaður og óþarfa."

Jebb!! Þetta er ég ;) Ég sé annars á þessu að ég væri bezt komin á Alþingi...... 

[Brynja skordal, 22.10.2008 kl. 11:56]

Takið eftir krútt Geir haarde er Hrútur....og Davíð odds er steingeit hverju finnst þetta passa???

[Brynja skordal, 22.10.2008 kl. 11:57]

Segðu Hrönn!!!

[Guðrún Ágústa Einarsdóttir, 22.10.2008 kl. 12:36]

Ég er krabbi og ég mótmæli... HÁSTÖFUM... Sá sem gerði þessar spár hefur greinilega verið MJÖG neikvæður.

En þetta passar VEL við kumbánana tvo Geir og Davíð.

Kv Gunna.

[Guðborg Eyjólfsdóttir, 22.10.2008 kl. 12:36]

Þessar lýsingar passa vel við þá félaga Geir og Dabba

[Ragnheiður , 22.10.2008 kl. 13:00]

Vog (23. september - 22. október): Þú þykist vera ljúfur og vingjarnlegur, en ert í raun falskur og eigingjarn, brosir framan í fólk, en lýgur og ferð bakvið aðra. Það tekur þig óratíma að taka ákvaðanir, en þegar það loksins gerist, ertu óhagganlegur, enda of latur til að hugsa málin aftur og of upptekinn af því að smjaðra fyrir öðrum.

Haha..las þetta í morgun og hugsaði svo málið þar til nú. Það er hellingur til í þessu...

[Hólmdís Hjartardóttir, 22.10.2008 kl. 17:06]

ansessekki 

kveðja frá voginni

[Ómar Ingi, 22.10.2008 kl. 17:44]

Fiskurinn steinliggur

[Ásthildur Cesil Þórðardóttir, 22.10.2008 kl. 18:27]

Meyja (23. ágúst - 23. september): Þú ert einn leiðinlegasti maður í heimi, alltaf að kvarta, gagnrýna og skipta þér af fólki, en segir aldrei neitt sem gagnast öðrum. Þú ert alltaf á hlaupum, þykist vera duglegur, en gerir aldrei neitt af viti, ekki frekar en stormur í tebolla. Þú ert stressuð taugahrúga.

Þar fékk ég það

[M, 22.10.2008 kl. 19:35]

Ja herna, ég segi bara pass.

Vogin broshýra og ljúfa xxxx

[Elísabet Markúsdóttir (IP-tala skráð) 22.10.2008 kl. 20:31]

[Erna Friðriksdóttir, 22.10.2008 kl. 21:05]

he he he he , gaman að lesa þessa bölsýni eða þannig  mitt merki gæti alveg átt við mig . Bestu kveðjur

[Guðrún Emilía Guðnadóttir, 22.10.2008 kl. 21:33]

Sporðdreki (23. október - 21. nóvember): Þú ert frekur og valdasjúkur, færð einstök mál á heilann (þráhyggja) og ert því einhæfur og hundleiðinlegur. Þú ert ímyndunarveikur og tortrygginn, móðgast útaf engu og gerir úlfalda úr mýflugu. Lífið er annað hvort frábært eða ómögulegt. Þú ert eins og biluð plata, stöðugt að spila sama lagið.

Ekki er þetta nú að passa við mig Brynja mín
Gaman að þessu Knús Milla.

[Húnbogi Valsson (IP-tala skráð) 22.10.2008 kl. 21:49]

Ég er fæddur í Ígulkerinu. Af hverju eru ekki til lýsingar á fólki eins og mér?

[Hulla Dan, 22.10.2008 kl. 22:01]

Takk fyrir þetta... Eg er Naut og maðurinn sporðdreki...

Hafðu það gott mín kæra

[Solla Guðjóns, 22.10.2008 kl. 23:01]

Bogmaður (22. nóvember - 21. desember): Þú ert týpan sem grautar í öllu, en kannt ekkert, enda alltaf á hlaupum úr einu í annað. Þú átt erfitt með að þekkja takmörk þín, ert agalaus, flýrð óþægindi og veist ekki hvernig þú átt að nýta hæfileika þína. Ef þú nærð tökum á einhverju, þá hleypur þú í verkefni sem þú ræður ekki við.

1-12..... þetta er samið um mig og engan annan

[Lísa Björk Ingólfsdóttir, 22.10.2008 kl. 23:10]

Þetta er alveg magnað - ég er fúllynd tilfinningasósa sem er sko ekki töff i.e. krabbi og maðurinn minn er agalausi tappinn sem heypur úr einu í annað.....   Ég sé okkur svo í anda.  Hann að böglast við eitthvað vonlaust verkefni sem hann ræður ekkert við og öslar í það næsta, meðan ég væli og skæli - ligg í þunglyndi og vorkenni sjálfri mér.......  Okkar merki eru nú ekki sögð passa neitt sérlega vel saman, en með þessari spá er málið dautt.......

Kreppknús.....

[Guðrún Jónína Eiríksdóttir, 22.10.2008 kl. 23:25]

Vatnsberi  Þú ert sérvitur og skrýtinn, og alltaf svo langt á undan samtímanum að enginn skilur þig eða getur notað hugmyndir þínar. Vissulega ertu svalur, en þú ert svo sjálfstæður, ópersónulegur og hræddur við raunverulegan innileika, að þú ert í raun alltaf einn, frosinn í einskis manns landi. Týndur á skýi í háloftunum.

Ja hérna ætli ég sé virkilega svona?? Kanski, allavega smá skrítin. Knús.

[Ragna Jóhanna Magnúsdóttir , 22.10.2008 kl. 23:32]

Ég er naut og tel ekkert líkt með mér og stíflaðri rotþró!!

Velkomin í bloggvinahópinn minn Brynja

kv

[Fanney Björg Karlsdóttir, 22.10.2008 kl. 23:53]

Sporðdreki (23. október - 21. nóvember): Þú ert frekur og valdasjúkur, færð einstök mál á heilann (þráhyggja) og ert því einhæfur og hundleiðinlegur. Þú ert ímyndunarveikur og tortrygginn, móðgast útaf engu og gerir úlfalda úr mýflugu. Lífið er annað hvort frábært eða ómögulegt. Þú ert eins og biluð plata, stöðugt að spila sama lagið.

Smellur eins og flís við rass.....

[Sigríður Ágústa Þórólfsdóttir, 23.10.2008 kl. 00:33]

Já já dæmigerð meyja eins og stormur í tebolla,stressuð týpa pottþétt ég góða nótt ljúfust

[Jóna Kolbrún Garðarsdóttir, 23.10.2008 kl. 01:09]

Vog (23. september - 22. október): Þú þykist vera ljúfur og vingjarnlegur, en ert í raun falskur og eigingjarn, brosir framan í fólk, en lýgur og ferð bakvið aðra. Það tekur þig óratíma að taka ákvaðanir, en þegar það loksins gerist, ertu óhagganlegur, enda of latur til að hugsa málin aftur og of upptekinn af því að smjaðra fyrir öðrum.   Nei nei nei svona er ég ekki.  Ég er ljúf og góð og það er ekki plat

[Aprílrós, 23.10.2008 kl. 07:15]

Hrútur hér ;) kannast bara við óþolinmæðina og stundum fljótfærnina ;)

Eigðu góðan dag mín kæra :)

[Tína, 23.10.2008 kl. 09:05]

Steingeit (21. desember - 20. janúar): Þú ert stífur og vansæll vinnualki, fastur í tilgangslausum siðum og reglum, alltaf að skipta þér af öðrum og segja þeim að gera það sem þú getur ekki gert sjálfur. Þú ert snobbaður og þráir stöðutákn, enda með minnimáttarkennd sem þú heldur að hægt sé að breiða yfir með titlum og merkjavöru.

Hmmmmmmmmmm nú skil ég betur afhverju ég opnaði fataverslun og gerðist þar með FORSTJÓRI................. svo reyndar veiktist ég og tók þá upp titillinn Forstjórafrú

[Ásdís Sigurðardóttir, 23.10.2008 kl. 11:45]

Þetta er sko vitlaus hrútur ekki ég allavega 

[Rósa Aðalsteinsdóttir, 23.10.2008 kl. 15:59]

Sæl og blessuð.

Ég er Vog. Gargandi snilld eins og unglingarnir segja.

Guð veri með þér kæra vinkona

Kær kveðja/Rósa

[Jac Norðquist, 23.10.2008 kl. 17:30]

Ég er sporðdreki... og var stoltur af því þar til ...Núna !!! Takk fyrir að eyðileggja það ;) Ekki nóg að vera Íslenskur Hottintotti í Danmörku, heldur er ég í ömurlegu stjörnumerki..... best að ganga í sjóinn og hengja sig !! Hahahahaha nei nei bara "Green"

Jac

[Jónína Þorbjörg Gunnarsdóttir (IP-tala skráð) 23.10.2008 kl. 17:52]

Góður þessi, ég er sporðdreki og þetta passar algjörlega allt saman.

Knús til þín

[www.zordis.com, 23.10.2008 kl. 20:51]

Kanski að slæmu hliðarnar hafi með breytingarnar mínar að gera....it´s good to be evil sagði steingeitin og öskraði á lýðinn ...

[Tiger, 23.10.2008 kl. 23:12]

  Ohhh mæ goooodd .. þar komst uppummig!

Nei, nú flý ég land sko! ... hot damn.

Knús á þig skottið mitt!

[JEG, 24.10.2008 kl. 15:23]

Já eigum við að ræða það eitthvað eða ???'

Þetta er nú ekki alveg skothelt vesti sko.  En þó ekki svo fjarri markinu.

Kveðja úr sveitinni.

[Kristín Katla Árnadóttir, 24.10.2008 kl. 16:49]

Ég er Fiskur en maðurinn minn er Hrútur.

Stórt knús

[steinimagg, 24.10.2008 kl. 22:04]

Meyja

[Sigrún Aðalsteinsdóttir, 24.10.2008 kl. 22:11]

Loksins stjörnuspá sem er "eitthvað að marka" Kannski ekkki alveg allt, en sumt og allnokkuð.  Kveðja frá Nauti sem býr með Vatnsbera, Tvíbura og Krabba.

Allt í lukkunnar velstandi hjá okkur þrátt fyrir ýmsa galla heimilisfólks.